साउन ४, नवलपरासी । शुक्रबार च्याउ टिप्न भनेर रूपौलिया जंगल छिरेका १० जना किशोरहरू २४ घण्टापछि शनिबार फेला परेका छन् ।शनिबार जंगलमा बाटो बिराएपछि उनीहरु घर फर्कन नसकेको र जंगलमै रात बिताउन बाध्य भएका थिए । हराएकामध्ये ८ जना बर्दघाट नगरपालिका-८ तेलहाका तथा अन्य २ जना वडा नं ७ जिमरीभारका किशोरहरु हुन्

‘पानी पर्न थालेपछि ओत लाग्न पहाडतिर उक्लियौँ र फर्कने बेला बाटो बिरायौं’, हराएकामध्ये एक सुरज चौधरीले भने, ‘मोबाइलमा नेटवर्क नभएकाले घरमा फोन गर्न तथा गुहार माग्न सकेनौँ । आगो बालेर रात बितायौँ।’ बर्दघाट नगरपालिका-१५, तेलहा गाउँका १६र१७ वर्ष उमेर समूहका १० जना किशोरहरू च्याउ टिप्न जाने भनेर शुक्रबार दिउँसो १ बजे जंगल पसेका थिए । राति अबेरसम्म घर नफर्किएपछि आफन्तले खोजी गर्न सुरु गरेका थिए ।हराएका १० जना किशोरहरुको खोजी गर्न शनिबार प्रहरी, स्थानीयवासी र स्थानीयहरु उनिहरुलाई खोज्न जंगल पसेका थिए । शनिबार दिउँसो मोबाइलमा नेटवर्क आएपछि घरमा फोन गरेर उनीहरू सम्पर्कमा आएका थिए । फोनसम्पर्कको सहयोगमा फेला पारिएका सबैजना सकुशल घर पुगेका छन् ।सबैजनाको स्वास्थ्य अवस्था समान्य रहेको छ ।

प्रतिकृया दिनुहोस

सम्बन्धित समाचार