आज वि.सं. २०७६ साल असार २६ गते बिहीबार, तदनुसार ई. सं.२०१९ जुलाई ११ तारिख
मेष (चु, चे, चो, ला, लि, लु, ले, लो, अ) आज व्यापार–व्यवसायमा विशेष लाभ हुनेछ । व्यावसायिक यात्राको सम्भावना पनि रहेकेखा छ । आत्मबल र उत्साहमा बृद्धि हुने छ । तर्क, विवाद र बहसमा विजयी भइने छ । गरेको प्रयासमा सफलता मिल्ने देखिन्छ । गृहिणीहरूका लागि दाम्पत्य जीवन सुखद तथा समृद्ध बन्ने देखिन्छ ।

बृष (इ, उ, ए, ओ, बा, बि, बु, बे, बो) व्यापारमा सामान्य फाइदा हुनेछ । पशुधन र जमिनबाट पनि सामान्य फाइदा होला । छात्रछात्राले पढाइमा त्यति मन नलगाए पनि कुनै न कुनै नयाँ कुरो सिक्ने मौका छ ।कामदारहरूको श्रमको उचित मूल्याङ्कन हुनेछ । आम्दानी सामान्य भए पनि ठूलो खाँचो टर्नेछ ।

मिथुन (का, कि, कु, घ, ङ, छ, के, को, ह)आज व्यापारमा विशेष फाइदा मिल्नेछ । आज सबैका लागि पुरानो समस्यालाई निवारण गरी अघि बढ्ने समय हो । कीर्तिमानी काम गरी प्रतिष्ठा कमाउने बेला छ । सहयोगीहरूले साथ दिनेछन् र आँटेका काम पनि सजिलै सम्पादन हुनेछन् । गृहिणीहरूले माइतीपक्षको शुभ समाचार सुन्न पाउने छन् ।

कर्कट (हि, हु, हे, हो, डा, डि, डु, डे, डो) आज बनिसकेको काम पनि बिग्रन सक्छ, सचेत भई काम गर्नुहोला । स्वास्थ्य कमजोर रहला तर कामधन्दा र जिम्मेवारीमा कमी आउने छैन । आशा देखाउनेहरूले धोका दिन सक्छन् । व्यावसायिक काममा खर्च बढ्ने र काम पूरा नहुनाले खिन्नता बढ्नेछ । तर सेवामूलक कामबाट प्रतिष्ठा मिल्न सक्छ । विदेशमा बस्नेका लागि नचिताएको आम्दानी हुने दिन छ ।

सिंह (मा, मि, मु, मे, मो, टा, टि, टु, टे) आज नाम, दाम र प्रतिष्ठा आर्जन गर्न सकिने दिन छ । रोकिएका कामलाई पुनः सुरु गर्ने वातावरण मिल्नेछ । सहयोगीहरूले अप्रत्यासित ढंगले सहयोग गर्नेछन् । धैर्य एवं लगनशीलताले फाइदा दिलाउनेछ । रोकिएका काम पुनः प्रारम्भ गर्न सकिने छ । परिवारजनका आकाङ्क्षा पनि पूरा गर्न सकिने छ ।

कन्या (टो, प, पि, पु, ष, ण, ठ, पे, पो) आज प्रयत्न गर्दा मनग्ये फाइदा उठाउन सकिने दिन छ । दिगो फाइदा हुने काममा लगानी बढाउन सकिने छ । वैदेशिक कामकाजमा फाइदा होला । मनको डर उत्साहमा रूपान्तरित हुने योग छ । टाढाको यात्रा गर्ने मौका छ । प्रेम र मित्रताको बन्धन कसिलो भएर जानेछ ।

तुला (र, रि, रु, रे, रो, ता, ति, तु, ते) आज गरेका कामबाट प्रशस्त लाभ हुनेछ । आयआर्जन बढ्ने र उठ्नुपर्ने रकम हातलागी हुने छ । आम्दानीका नयाँ स्रोत फेला पर्नेछन् । व्यापारमा प्रशस्त फाइदा हुने योग छ । स्वास्थ्य सबल बन्नुका साथै काममा उत्साह जाग्नेछ । रोकिएका काम बन्नाले मनग्ये लाभ हुनेछ । गृहिणीहरूलाई इष्टमित्रको साथसहयोग मिल्नेछ ।

बृश्चिक (तो, ना, नि, नु, ने, नो, या, यि, यु) आज सचेत र सतर्क रहनुहोला, समयमा होस नपुग्नाले हुनै लागेको आम्दानीमा बाधा पुग्न सक्छ । गरी आएको कामलाई भने निरन्तरता दिन सकिने छ । परदेशमा बस्नेहरूले रामरमाइलो र घुमघामको अवसर पाउने छन्, तर केही रकम खर्च गर्नुपर्ने परिस्थिति बन्नसक्छ । छात्रछात्राले गरेको कडा मिहिनेत र परिश्रमको राम्रो प्रतिफल प्राप्त हुनेछ ।

धनु (ये, यो, भ, भि, भु, ध, फा, ढ, भे) कृषि तथा पशुपालनका क्षेत्रमा सोचेको लाभ प्राप्त हुनेछ । कडा मिहिनेतका कारण रोकिएका काम समेत सम्पादन हुनेछन् । विद्यार्थी र युवायुवतिले सामाजिक उत्तरदायित्व वहन गर्ने समय छ ।शुभचिन्तकहरूको सुझावलाई बेवास्ता गर्दा दुःख पाइनेछ । परिवारजनबाटै टाढिनुपर्ने परिस्थिति आउन सक्छ ।

मकर (भो, ज, जि, खि, खु, खे, खो, गा, गि) आज आस मारेको फल पुनः प्राप्त हुनसक्छ । गोप्य रहस्य पत्ता लगाउन सकिने समय छ । नयाँ काममा हात हाल्ने समय छ । सानो प्रयत्नले पनि राम्रो फाइदा उठाउन सकिने छ । विशिष्ट व्यक्तित्वहरूसँग मित्रता बढ्नेछ । आफ्नो क्षेत्रमा प्रभुत्व जमाउन सकिने छ । उद्योगधन्दा र व्यापारमा विशेष फाइदा हुने समय छ । विद्यार्थीहरूले प्रतिस्पर्धीलाई उछिन्ने समय छ ।

कुम्भ (गु, गे, गो, सा, सि, सु, से, सो, द) आज आत्मविश्वास र हिम्मतका साथ अघि बढेमा कीर्तिमानी काम सम्पादन हुनसक्छ । फजुलको यात्रा र घुमघामको सम्भावना देखिन्छ । मनमा निराशा र वैराग्यका बादल मँडारिने सङ्केत छ । जुनसुकै काम गर्दा सचेत र सावधान भएर गर्नुपर्छ, किनभने जस पाउने समय छैन, गरेका कामको सर्वत्र आलोचना हुनसक्छ ।

मीन (दि, दु, थ, झ, ञ, दे, दो, च, चि) आज विरोधी र प्रतिद्वन्द्वीहरूले तपाईंलाई अप्ठ्यारोमा पार्न ठूलै चलखेल गर्ने सङ्केत छ । त्यसैले सचेत हुनुपर्छ, जुनसुकै काम गर्दा चुनौतीको सामना गर्नुपर्ला । विपरीत लिङ्गीहरूबाट पनि सजग रहनुहोला । आर्थिक रूपमा नोक्सानी हुनसक्छ । कामबाट समुचित मूल्याङ्कन प्राप्त हुँदैन । परिवारजनसँगको आत्मीयतामा पनि कमी आउने छ । प्रेमसम्बन्ध र मित्रताको बन्धन खुकुलो बन्न सक्छ । बाटो काट्दा वा सवारी हाँक्दा सचेत हुनुपर्छ ।

प्रतिकृया दिनुहोस

सम्बन्धित समाचार