एजेन्सी । सुगा मन पराउने एक व्यक्तिले आफू सुगाजस्तै बन्न अनौठो काम गरेका छन् । आफूले पालेका सुगाहरुजस्तो देखिन वर्षौं लगाएर प्लाष्टिक सर्जरी गराएका ती व्यक्तिले एक कदम अगाडि बढेर आफ्नो नाम मिस्टर प्यारोटम्यानमा परिवर्तन गरेका छन् । उनले आफू सुगाजस्तै बन्नका लागि आफ्नो पेन्सनको सबै पैसा खर्च गरेका थिए ।

५८ वर्षीय टेड रिचर्ड आफूले पालेका सुगाहरु – एली, टियाका, टिम्नेह, जेक र बुबीप्रति यति आशक्त छन् कि उनले आफ्नो अनुहार र आँखामा सुगाको प्वाँखजस्तो ट्याटु बनाएका छन् । जनावर प्रेमी उनको शरिरमा १ सय १० वटा ट्याटु छन् भने उनले पचास ठाउँमा प्वाल पारेका छन् । साथै उनको जिब्रो पनि चिरिएको छ । सुगाजस्तै देखिन उनले आफ्नो दुबै कान शल्यक्रिया गरी हटाएका छन् ।

टेडले आफ्नो नाम टेड प्यारोटम्यानमा परिवर्तन गरेका छन् । उनले भने, ‘मैले धेरै लामो समयदेखि यसबारे सोचिरहेको थिएँ ।’किनभने म मेरा सुगाहरुसँग बाटोमा हिँडिरहेको हुन्छ र मानिसहरुले मलाई वर्षौंदेखि टेड प्यारोटम्यान भनेर चिन्ने गर्दछन् ।’मेरो आमाबुवासँग कुराकानी नभएको वर्षौं भइसक्यो । उहाँहरु जीवित भए नभएकोको बारे मलाई थाहा छैन । साथै, आफन्त, दाजुभाइसँग कुराकानी नभएको पनि धेरै भइसक्यो । अहिलेको अवस्थामा मेरो परिवारसँग केही लगाव र भुकाव छैन । त्यसकारण मैले आफ्नो थर राख्नैपर्छ भन्ने छैन ।’‘मेरो लागि मेरो वास्तविक परिवार सुगाहरु नै हुन् त्यसकारण मैले उनीहरुलाई नै सम्बोधन गरी थर परिवर्तन गरें ।’

कान काट्नु, आँखाको रङमा परिवर्तन गर्नु र खोपडीभित्र सिङ राख्नुभन्दा नाम परिवर्तन गर्नु निकै सजिलो भएको उनले बताए ।जुत्ता कारखानाका अवकाशप्राप्त कर्मचारी टेडले सन् १९७६ मा पहिलो पटक ट्याटु हानेका थिए । त्यतिबेलादेखि उनले निरन्तर ट्याटु हानिरहेका छन् ।एजेन्सीको सहयोगमा

प्रतिकृया दिनुहोस

सम्बन्धित समाचार